KINUMPIRMA ni Senate Majority Leader Juan Miguel Zubiri na tinanggap na niya ang imbitasyon ng Hugpong ng Pagbabago (HNP) para mapabilang sa kanilang senatorial slate sa 2022 elections.
“Yung HNP, kinausap din ako ni Speaker Lord (Allan) Velasco and I’ve accepted also their invitation to be part of their slate. Lalo na’t taga-Mindanao ako,” saad ni Zubiri sa press briefing sa Senate Media.
Sa kabilang dako, sinabi rin ni Zubiri na nakikipag-ugnayan na rin sa kanya ang 1Sambayan subalit hindi pa anya ito tinatanggap dahil ayaw nilang mabigyan siya ng kulay.
“Nagpapadala po ng overture ang grupo ni Atty. (Howard) Calleja and of course ako I’m honored and of course very happy and elated that maraming gustong mag-adopt sa akin,” saad nito.
“Hindi pa at this point in time,” diin pa ni Zubiri.
“Ayoko kasi ma-label at this point in time na administration, opposition kasi independent ako. Yung hindi ko gusto pong mangyari is I’ll be labeled kaagad with a color na hindi naman…independent naman ako, I can work with anybody,” dagdag pa nito.
Sinabi rin ni Zubiri na maging ang Nationalist People’s Coalition na pinamumunuan ni Senate President Vicente Sotto III at ang ruling party PDP-Laban ay nagnanais ding i-adopt siya bilang senatorial candidate. (DANG SAMSON-GARCIA)
172 
